हॿकी हॿकी न कंहिंजो नालो खणु!
दुहिल ते ज़ोर सां को ॾौंको हणु!
बीख से था ॾियनि वॾे वाके,
रोज़ जेके वञनि था खाई मणु!
तूं सुञाणीं किथे थो राजाऊं,
हिकु न आहे, वॾो ई आहे धणु!
हिन ऐं हुन वटि त आबरू तुंहिंजी,
पर कॾहिं पहिंजे मर्म खे भी वणु!
टहकु तुंहिंजो, खिलणु नथो भासे,
कंहिं चयो तोखे, एॾो माण्हू बणु!
कुझ चवणु जंहिंखे कीन ईंदो आ,
पाण खे मां लॻां इएं थो ॼणु!
ॿूर, सुरहाणि, गुल न पन हासिद,
सिर्फ़ आकार, पोइ बि आहे वणु!