भारत की संस्कृति के लिए... भाषा की उन्नति के लिए... साहित्य के प्रसार के लिए
ॾिसी बुधी बि अली थो वञां, चरियो कोन्हां! / अर्जुन हासिद
Kavita Kosh से
ॾिसी बुधी बि अली थो वञां, चरियो कोन्हां!
विवेक खे थो ठॻींदो रहां, चरियो कोन्हां!
थिए की मुंहिंजे ई साम्हूं, ॾिसां अखियुनि सां त बि,
हकीकतुनि खे थो ॼाणणु घुरां चरियो कोन्हां!
घिटीअ घिटीअ में ॿुधां पंहिंजी हाक थो केॾी,
जिते जॾहिं बि मिले वझु, झुकी सलाम करियां,
ॾियण जी मोट में थो कुझ वठां, चरियो कोन्हां!
सॼे जहान जो गाॾो हले थो सुस-पुस में,
अखियुनि सां सभु थो ॾिसां ऐं ॿुधां, चरियो कोन्हां!
रुअण खिलण में वॾो फ़र्क, कंहिं चयो तोखे,
हिंअर रुआं ऐं हिंअर थो खिलां, चरियो कोन्हां!
ज़हीन आहियां, सुञाणप मां कंहिं खे किअं ॾींदुसि,
हवास बंद हमेशा रखां, चरियो कोन्हां!
सुकून केॾो थो दिल खे मिली वञे हासिद,
जॾहिं बि पाण ते लानत विझां, चरियो कोन्हां!
