भारत की संस्कृति के लिए... भाषा की उन्नति के लिए... साहित्य के प्रसार के लिए
આ ક્ષણો હાથથી નીકળી જાય છે / પારસ હેમાણી
Kavita Kosh से
આ ક્ષણો હાથથી નીકળી જાય છે
હાથમાં કેટલું ચીતરી જાય છે
એટલે તો મજા આવતી હોય છે,
આ ગઝલ જાતને વાંચતી જાય છે
રોજ બેસે બધા ભાર લઈને અહીં,
જીંદગી એટલે હાંફતી જાય છે
જેમને તારી સમજણ મળે છે અહીં,
એમને જીવતા આવડી જાય છે !!
હું તને શું કહું આજ ‘ પારસ ’ બીજું,
વાત મનની ઘણા સાંભળી જાય છે .
