भारत की संस्कृति के लिए... भाषा की उन्नति के लिए... साहित्य के प्रसार के लिए
પ્રેમથી લીંપેલ ઘરમાં આવી ગયા / રાકેશ હાંસલિયા
Kavita Kosh से
પ્રેમથી લીંપેલ ઘરમાં આવી ગયા,
જાણે કે માના ઉદરમાં આવી ગયા!
આટલી બુલંદ કોની આ હાક છે?
કે અપંગો પણ ડગરમાં આવી ગયા!
પથ્થરોને પથ્થરો કે’વાતા નથી,
જ્યારથી આ કાચઘરમાં આવી ગયા.
સૂર્યના ઉજાસને કાળો ચીતરી,
આગિયાઓ પણ ખબરમાં આવી ગયા!
આ ચરણ ચાલે છે પૈડાંની જેમ કાં?
શ્વાસ આ કેવી સફરમાં આવી ગયાં?
