भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

બારી દેખાય છે / જિગર જોષી

Kavita Kosh से
यहाँ जाएँ: भ्रमण, खोज

આ હમણાં જ આવ્યું મને વાંચવામાં,
કે પંખી પડ્યું – ઠેસ વાગી હવામાં.

તમે પ્રેમથી રોજ પૂછો છો કિંતુ,
કહો કાયમી ક્યાંથી રહેવું મજામાં?

હરણ આજીવન હાંફતું રહી ગયું ને,
તમે થઈ ગયા ડોક્ટરેટ ઝાંઝવામાં.

સુથારીને પૂછશો તો એવું જ કે’શે,
મને બારી દેખાય છે ઝાડવામાં.

એ દરિયાની ઉંડાઈ જાણી ગયો છે,
મને એટલે રસ પડ્યો ખારવામાં.

લે ! આ ભીંત તોડી ને દરવાજો કીધો
હવે શું નડે છે તને આવવામાં?

તને ફૂંકમાં ખૂબ શ્રદ્ધા હતી પણ,
મજા શું પડી આ દીવો ઠારવામાં?