भारत की संस्कृति के लिए... भाषा की उन्नति के लिए... साहित्य के प्रसार के लिए
શક થઇ જાય છે / યામિની વ્યાસ
Kavita Kosh से
કેટલો મોટો ફરક થઇ જાય છે!
સૂર્ય ના હોવાનો શક થઇ જાય છે!
સૌ અવાજો, આકૃતિઓને હણી,
શૂન્યતાનું દળકટક થઇ જાય છે.
રોશનીએ તો જુદા કીધા હતા,
એ અહીંયા સૌ ઘટક થઇ જાય છે.
કંઇ નથી તો માત્ર દરિયો ઘુઘવે,
ને નજર એમાં ગરક થઇ જાય છે.
ઓગળે રંગો પછીનું એ જગત,
જે નથી તેની ચમક થઇ જાય છે.
સ્વપ્નમાં શું! જાગતા જોયું છે મેં,
આ તમસ જાણે ખડક થઇ જાય છે.
આ તિમિર પણ ‘યામિની’ મનને ગમે,
જાણે ઇશ્વરની ઝલક થઇ થઇ જાય છે.
