भारत की संस्कृति के लिए... भाषा की उन्नति के लिए... साहित्य के प्रसार के लिए
શણગાર થઇ શકે / યામિની વ્યાસ
Kavita Kosh से
કોણે કહ્યું કે લાગણી આધાર થઇ શકે?
અશ્રુ જ મારી આંખનો શણગાર થઇ શકે.
એથી વિશેષ લોકમાં શું યાર થઇ શકે?
નાની અમસ્તી વાતનો ચકચાર થઇ શકે.
ખંડિત સમયનો સ્વપ્ન પણ આકાર થઇ શકે,
તૂટે છે તટ, પછી અહીં પગથાર થઇ શકે.
માણસને મારવાના હજારો ઉપાય છે,
પડછાયો ભીંત પર કદી શું ઠાર થઇ શકે?
માનવ બધાય માનવી થઇ જાય જગ મહીં,
ઇશ્વરનું કામ શું પછી બેકાર થઇ શકે?
સચ્ચાઇ પામવાને કંઇ યુગો ન જોઇએ,
વીજળી ગગનમાં ‘યામિની’ પળવાર થઇ શકે.
