"जिण ढाळै आयो आज आंख सूं बारै औ / सांवर दइया" के अवतरणों में अंतर

जिण ढाळै आयो आज आंख सूं बारै औ
मन-पीड़ बतासी जग नै चढ चौबारै औ

लागै दुख-धाड़ेती म्हांनै कोनी छोडै
सांस लेवतां ई होग्यो म्हांरै लारै औ

कीं देवाळ नईं तो ई म्हैं चावां थांनै
मन छेकड़ मन है कोनी रैवै सारै औ

आ मानी एक भाठै सूं टूटै कोनी गढ
जतन सूं राख कदै काम आसी थारै औ

बीज है बीज ओळख इण री अखूट ताकत
माटी री आं पुडतां नै कोनी धारै औ