भारत की संस्कृति के लिए... भाषा की उन्नति के लिए... साहित्य के प्रसार के लिए
"काळजै बायरौ / अर्जुनदेव चारण" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=अर्जुनदेव चारण |संग्रह=घर तौ एक ना...' के साथ नया पन्ना बनाया) |
(कोई अंतर नहीं)
|
13:07, 24 नवम्बर 2011 का अवतरण
नेठाव सूं
वो
घड़तौ रैयौ थनै
देवण
खुद रौ रूप
वा ई गैरी आंख
मोवनी मुळक
लांबा केस
पतळी आंगळियां
काची माटी सूं घड़ियौ
एक एक अंग
पछै जुगां लग
जोवतौ रैयौ थनै
चांणचक एक दिन
उण
काढियौ आपरौ काळजौ
अर
धर दियो
उण माटी रै मांय
पछै वो भूलगियौ ओ सैं
अबै
आखी दुनिया
देवै उणनै ओळबा
वा कांई जाणै
कै उणरौ काळजौ तौ
थारी माटी मिळियोड़ौ है
वो उपर बैठौ है
काळजै बायरौ