भारत की संस्कृति के लिए... भाषा की उन्नति के लिए... साहित्य के प्रसार के लिए
"रोहिड़ो / श्याम महर्षि" के अवतरणों में अंतर
Kavita Kosh से
आशिष पुरोहित (चर्चा | योगदान) (नया पृष्ठ: {{KKGlobal}} {{KKRachna |रचनाकार=श्याम महर्षि |संग्रह=अड़वो / श्याम महर्षि }} [[Category:…) |
Sharda suman (चर्चा | योगदान) |
||
| पंक्ति 4: | पंक्ति 4: | ||
|संग्रह=अड़वो / श्याम महर्षि | |संग्रह=अड़वो / श्याम महर्षि | ||
}} | }} | ||
| − | + | {{KKCatRajasthaniRachna}} | |
{{KKCatKavita}} | {{KKCatKavita}} | ||
| − | < | + | <poem> |
| − | + | ||
रोहिड़ो सागवान | रोहिड़ो सागवान | ||
सीसम कोई सफेदै रो | सीसम कोई सफेदै रो | ||
| पंक्ति 52: | पंक्ति 51: | ||
खड़यो इतरावै जुगां-जुगां | खड़यो इतरावै जुगां-जुगां | ||
सूं रोहिड़ो। | सूं रोहिड़ो। | ||
| − | </ | + | </poem> |
09:00, 18 अक्टूबर 2013 के समय का अवतरण
रोहिड़ो सागवान
सीसम कोई सफेदै रो
रूंख नीं,
थळी रो बिरछ
मरूथल रै रूंखा रो ठाकर
रोहिड़ो
लूठै जागीरदार रै
हेठै नीं पांगरणियां
कामदार दांई
थारै
हेठै ई कोई
बूंटा-रूंखड़ा
नीं पनपै,
महुवै दांई
लाय बळता-सा थारै फूलां रो रंग
आंतरे सूं भरमावै म्हानै
अर रीझावै
कदास इण रो
सुवाद ई हुंवतो महुवै दांई,
सियाळै री डांफर
उन्हाळै री लूंवां सूं
जूझतो रोहिड़ो
ऐकलो
न्यारो निरवाळो
उभो चिड़ावै
काळी-पीळी आंधी नैं
अर लुळ-लुळ करै
सिलाम बिरखा नैं,
रोहिड़ै सूं बणता रैया
गढ़-कोटड़ी-हवेली
अर काच्ची साळ रा किवाड़
कै उण मांय
बसणियां लोगां खातर
नित नूंवी डिजाइन सूं
घड़ीजता रैया
चकळा-बेलण-काठ़डी-कठूता
अर बाजोट,
ठाकर दांई थोथो
कै नीगर हुवणै री
करता रैया परख शताब्दयां सूं
अठै रा लोग थळी मांय
खड़यो इतरावै जुगां-जुगां
सूं रोहिड़ो।
