"મિલનમાં વિરહ / પિનાકિન ઠાકોર" के अवतरणों में अंतर

અહો તે રાત્રીએ શરદની હતી પૂનમ ખીલી
અગાશીએ જ્યારે સ્વજન સહ સાથે રહી ઝીલી.

તમે આઘે ઊગ્યો નિકટ કરીને ચંદ્ર નીરખો,
કશા સંતોષે તો અમીટ નજરે એકસરખો;
અને પાસે તો યે તમ મુખે રહ્યું દૂર જ થતું,
સદા ઝંખી ઝંખી નીરખી ઉર આ રોજ ઝરતું.

મને ના આકાશી હિમકર નિહાળી સુખ મળે,
અરે પોતાનાનાં પર દરશને અંતર બળે;
તમે આઘેનાને નજીક કરી લો કેટલું બધું
ફક્ત પાસેનાંને અલગ જ ધકેલો નિત વધુ.

અમાસી અન્ધારાં ભરી દીધ તમે પૂનમ-દિને
દીધું સાથે ર્હૈને ચિર વિરહનું દર્દ જ મને.