भारत की संस्कृति के लिए... भाषा की उन्नति के लिए... साहित्य के प्रसार के लिए
"थारै पछै (5) / वासु आचार्य" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=वासु आचार्य |संग्रह=सूको ताळ / वास...' के साथ नया पृष्ठ बनाया) |
(कोई अंतर नहीं)
|
16:30, 26 फ़रवरी 2015 के समय का अवतरण
नीं तो अकास सुळग्यौ
नीं ई उठी जमीन लपटा
नीं ई तारा तिड़क्यां
नीं ई चटक्यो चन्द्रमा
अर नीं ई
सूरज सकपकायौ
नीं ई जंगळ रै
जंग लाग्यौ
नीं ई सै‘र मांय
सरणाटो छायौ
कठै‘ई-कीं नीं हुयौ
म्हारी आत्मा
म्हारो‘ईज रूं रूं तिलमिलायौ
कठै‘ई कीं नीं हुयौ
म्हारी कविता
म्है‘ईज आखरा-सबदा
अर भासा बायरो
रैयग्यौ-हाडमांस रो लौथड़ो बण
आंख्यां फाड़तो
आभो ताकतो
जमीन कुचरतो
थारै पछै
थां...रै पछै
