"नदी खाली नदी‘ई नीं है / वासु आचार्य" के अवतरणों में अंतर

नीं ठा कीं गमग्यो
नीं ठा कीं सौधण

नीं ठा कुण सै सुख री
याद सूं खिल्यौड़ी

नीं ठा कुण सै दुख री बीती
कैई घड़ी सूं बिफर्यौड़ी

कदै थ्यावस सागै
कदै बावळी ज्यूं

आपरै‘ई मांय
बड़ती निसरती
कदै फैलती मैदान ज्यूं
कदै भैळी हुवती गळी ज्यूं

आपरी‘ई धुण री धणियाणी हुई
गूंज गूंज गूंजती रै
बैवती रै नदी
दिन रात
रात दिन
भरती रै घाटी रो
हिंयो जिंयो

गूंजती रै अणथक अद्भुत संगीत लै‘री
दैवती रै सनैसो

जात्रा....जात्रा और जात्रा
जीणै री लालसा री जात्रा
चालणौ...चालणौ...और चालणौ
नदी खाली नदी‘ई नीं है
नदी चालणौ है अर चालणौ ई जीवण