"ससुरा से नइहर जाइबि / मोती बी.ए." के अवतरणों में अंतर

ससुरा से नइहर जाइबि
कवन मुँह देखाइबि हो-
स्वामी डारि दीत नेह के नजरिया
त थेघ लागि जाइत हो।
जिउ धुनि धुनि काम करीलें
हुकुम बजाई ले हो-
स्वामी, लात-गारी मीलेला ईनाम
ईहे त सुख पाइले हो।
स्वामी डारि दीत...

हमरा बा जेकर आधार
ओही के जब विचार ई हो
स्वामी, केकरी भरोसे दिन काटबि
जिनगी बिताइबि हो।
स्वामी डारि दीत...

जब न अलम कवनो पाईबि
हम कहाँ जाइबि हो
स्वामी, लागल करेजवा में
अगिया के कइसे बुताइबि हो।
स्वामी डारि दीत...

ससुरा से नइहर जाइबि
कवन मुँह देखाइबि हो-
स्वामी डारि दीत नेह के नजरिया
त थेघ लागि जाइत हो।