"जंगि ऐं सुलह पती / पोपटी हीरानन्दाणी" के अवतरणों में अंतर

पादरी चई रहियो हो
”पीस ऑन अर्थ एंड गुडविल टुवर्डस मेन“
‘धरतीअ ते शाल सुलह क़ाइमु थिए
ऐं माण्हू हिक ॿिए जो भलो चाहीनि’
बेंचुनि ते गोॾा झुकाए’ वेठल सिपाहियुनि
ॾाए हथ में टोपला झले
साॼे हथ सां छातीअ ते क्रास
जो निशानु बणाए
चयो ”आमीन!“
पोइ हू क़तारुनि में ॿाहिर आया
जीपुनि ऐं हवाईजहाज़नि मां
बम किरिया!
दूंहें जे विच मां दाहूं आयूं
ज़ालुनि ऐं ॿारनि जो रोदनु
छोकरनि ऐं मर्दनि जी भाॼि
ऐं उन्हनि जे चौगिर्द
वकोड़ियल बाहि ॾिसी
सिपाही संतुष्ट थी मुश्कण लॻा।