"इअं छो थो थिए कॾहिं कॾहिं, खुद खे / एम. कमल" के अवतरणों में अंतर

इअं छो थो थिए कॾहिं कॾहिं, खुद खे।
अजनबीअ जी तरह लॻां थो मां?

ज़िल्लतुनि ते अञा हिरियो नाहियां।
न खिलो मूं ते, गर टहां थो मां॥

गर मां कंहिं खे नथो वणां, पोइ छा?
पाण खे भी किथे वणां थो मां!!

तो खे सुधि आ, घिटीअ में तुंहिंजे हयाति।
हर दफ़े क़त्लु थी वञां थो मां?

दूंहां उफ़्वाह जा दुखनि था हिते।
ख़्वाब बाहियुनि जा ई ॾिसां थो मां॥

जीअ खे ललचाए थी उदासाई।
आस जी राह तां मुडां थो मां॥

मूं ते इतिहास चीर कया आहिनि।
ताजे़ फट जां कमल कुरां थो मां॥