"दुनियाँले नटेकेको मेरो शहर तिमीलाई / सीमा आभास" के अवतरणों में अंतर

दुनियाँले नटेकेको मेरो शहर तिमीलाई
कसैसँग नसाटेको मेरो रहर तिमीलाई ।

डाँडा पाखा फूल चौर सङ्गीतको धूनसँगै
पूर्णिमामा फूल्ने जून तारा लहर तिमीलाई ।

सारङ्गीमा रेटिएर युगयुग बाँच्ने प्रीित
हाम्रो आँसु हाँसो बग्ने प्रेम नहर तिमीलाई ।

आँखाभरि सजाएका मुटुभरि फूलाएका
तिम्रै लागि लेखिएका गजल बहर तिमीलाई ।

खै के दिउँ प्रेम चिनो मात्र रित्तो मान्छे हुँ म
फूलैफूल बनी फूल्ने पैलो पहर तिमीलाई ।