भारत की संस्कृति के लिए... भाषा की उन्नति के लिए... साहित्य के प्रसार के लिए
"पण / धनेश कोठारी" के अवतरणों में अंतर
Kavita Kosh से
('{{KKGlobal}} {{KKRachna |रचनाकार=धनेश कोठारी |अनुवादक= |संग्रह=ज्य...' के साथ नया पृष्ठ बनाया) |
(कोई अंतर नहीं)
|
18:35, 2 मई 2019 के समय का अवतरण
ग्वथनी का गौं मा बल
सुबेर त होंदी च/ पण
पाळु नि उबौन्दु
ग्वथनी का गौं मा बल
घाम त औंद च/ पण
ठिंणी नि जांदी
ग्वथनी का गौं मा बल
मंगारु त पगळ्यूं च/ पण
तीस नि हबरान्दी
ग्वथनी का गौं मा बल
उंदार त सौंगि च/ पण
स्या उकाळ नि चड़्येन्दी
ग्वथनी का गौं मा बल
ग्वथनी का गौं मा बल
ब्याळी बसायत च/ पण
आज-भोळ नि रैंद
ग्वथनी का गौं मा बल
सतीर काळी ह्वईं छन/ पण
चुलखान्दौं आग नि होंद
ग्वथनी का गौं मा बल
दौ-मौ नि बिसर्दू बाद्दी/ पण
बादिण हुंगरा नि लांदी
ग्वथनी का गौं मा बल
इस्कुलै चिणैं त ह्वईं च/ पण
बाराखड़ी लुकि जांदी
ग्वथनी का गौं मा बल
स्याळ त गुणि माथमि दिखेंदा/ पण
रज्जा जोगी जोगड़ा ह्वेजांदा
ग्वथनी का गौं मा बल
सौब धाणि त च/ पण
कुछ कत्त नि चितेंद।
