भारत की संस्कृति के लिए... भाषा की उन्नति के लिए... साहित्य के प्रसार के लिए
"जलप / गीता त्रिपाठी" के अवतरणों में अंतर
Kavita Kosh से
Sirjanbindu (चर्चा | योगदान) ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह=...' के साथ नया पृष्ठ बनाया) |
(कोई अंतर नहीं)
|
11:53, 15 अप्रैल 2020 के समय का अवतरण
सारङ्गीमा मुटु रेटिने
कैयन् प्रिय वियोग छन्
त्यो ढोकाभित्र
जसलाई सम्झेर
हृदयमा
करुण लहरहरू उठिरहनेछन्
अबफेरि गाइनेहरूले
दाउनेछैनन् केनैदिन
संघारबाट उभिएर
त्यो ढोकाको वीरगाथा
शताब्दीयौँको कालरात्रिमा
अजङ्गको त्यो ढोकाभित्र
कैयन् मृत्यु-उत्सवहरू मनाइए
अन्धवेगको वीरपूजनमा
कैयन् ताण्डव रातहरू रचाइए
जीवनका आशाहरू लहराउने
त्यस्तो कुन मीठो सङ्गीत गुञ्जियो र !
त्यो ढोकाभित्र
जसलाई सुनेर सृष्टिमा
नयाँ फूलहरू फक्रन सकून्
अबफेरि नगर्चीहरूले
आफ्नै छाती उधारेर
बजाउने छैनन्
साइतको कुनै दिन
त्यो ढोकाभित्रका
अतिरञ्जित धूनहरू
रात छिप्पिनुपहिल्यै
खोलिदिएको भए
ढोका
आज आफ्नै घर
यत्ति विरानो हुने थिएन ।