"के हुँ म तिम्रा लागि ? / निर्मला पुतुल / सुमन पोखरेल" के अवतरणों में अंतर

के हुँ म तिम्रा लागि ?
एउटा सिरानी,
कतैबाट थकित भएर आयो
र जसमा टाउको बिसादियो

कुनै काँटी,
निरसता, उदासी र थकानले भरिएको
कमेज फुकाल्यो र जसमा झुन्ड्याइदियो,
या आँगनमा टाँगिएको डोरी
जसलाई घरभरीका लुगा बटुलेर बोकाइदियो

कुनै घर,
जहाँबाट बिहान निस्कियो र
साँझमा फर्कियो

कुनै डायरी,
जसमा जहिले मन लाग्यो तहिले
केके जाति लेखिदियो

मौन उभिएको भित्तो,
जसमा जतिखेर जहाँ मन लाग्यो
काँटी ठोकिदियो

कुनै भकुन्डो,
जसलाई बेला कुबेला
हुत्याइ-समाइ खेलिदियो
 
या कुनै ओढ्ने-ओच्छयाउने,
जसलाई जहिलेतहिले जहाँतहाँ जथाभावी
ओढिदियो, ओच्छ्याइदियो

किन नबोलेको ?
भन न, के हुँ म
तिम्रा लागि ??

......................................................................
इस कविता का मूल हिन्दी पढ़ने के लिए यहाँ क्लिक करें ।