"मलाई नसोध कहाँ दुख्छ घाउ / हरिभक्त कटुवाल" के अवतरणों में अंतर

मलाई नसोध कहाँ दुख्छ घाउ
म जे छु ठीकै छु, बिथोल्न नआऊ।

मेरो जिन्दगीमा सधैँ यो उदासी
सकेकै छु जिउन कहिल्यै नहाँसी
मेरो चाहना हो तिमी हाँसे पुग्छ
मेरो घाउ तिमी नहाँसे पो दुख्छ !

यसैले म भन्छु तिमी मुस्कुराऊ
मलाई नसोध कहाँ दुख्छ घाउ।

कतै बिरानीमा हराएँ भने म
कतै बेहोशीमा कराएँ भने म
मेरो प्राप्ति त्यही यति ठाने पुग्छ
मेरो घाऊ तिमी नहाँसे पो दुख्छ

अँध्यारो मै छोड दियो नजलाऊ
मलाई नसोध कहाँ दुख्छ घाउ॥