भारत की संस्कृति के लिए... भाषा की उन्नति के लिए... साहित्य के प्रसार के लिए

"घूमण गाम गया था / दिनेश शर्मा" के अवतरणों में अंतर

Kavita Kosh से
यहाँ जाएँ: भ्रमण, खोज
('{{KKGlobal}} {{KKRachna |रचनाकार=दिनेश शर्मा |अनुवादक= |संग्रह= }} {{KKCat...' के साथ नया पृष्ठ बनाया)
 
(कोई अंतर नहीं)

19:51, 25 जनवरी 2025 के समय का अवतरण

मैं घूमण गाम गया था रै
मेरे ना आया पहचाण

ना किते हेली ना किते नौरा
ना माट्टी का रह्या मकान

ना दामण अर कुड़ता आडै
ना कंठी का नामो नशान

ना जोहड़ अर ना किते कुँए
के नेजु डोल का काम

कित सैं भजनी कित वें जोगी
जो सदा गावैं थे राम

नींब अर पीपल ग़ायब होगे
ना घणी दूर तक छाम

छुपम छपाई ना हरे समंदर
ना बालक करैं धमाल

चूल्हे की रोटी सादा खाना
ना दिखैं सैं इब आम

ना बलदां का जोड़ा दिखदा
ना डांगर ढोर का लार

हल अर हाली दिखैं कम सैं
ट्रैक्टरां की होइ भरमार

सुख शांति का टोटा होग्या
रही बाक़ी भागम-भाग

दिनेश कित तै ढूँढ कै ल्यादूं
मिट्या भाईचारा तमाम।
मैं घूमण गाम गया