"थळी रा गांव / भंवर भादाणी" के अवतरणों में अंतर

थळी रा गांव
घोराबन्ध खेत
कांटां री बाड़,
मिनख री लम्बाई मापता
मोती सा चमकता
सिट्टा-मीठा
निसांणी है
आदमी रै
जिन खोजा तिन पाईयां
गहरे पाणी पैठ रै
इतिहासू दौर री।
गवाह है
इतिहास-
थार रै समंदर सूं
चळू-चळू सींचता हाथ
अधपक्की फळयां
बूरीज्यौड़ा मतीरा
हरी-भरी बेल।
अरी
बेल री हरियाळी
चाटती जीभ
धोरां माथै
मंडयौड़ा
जोरावरी जूत्यां रा निसांण
गवाह है
थळी री
फाटयौड़ी-पसरयौड़ी
आंख
पिचक्यौड़े गालां
और
खोळियै सूं झांकती
आंतड़यां री।