भारत की संस्कृति के लिए... भाषा की उन्नति के लिए... साहित्य के प्रसार के लिए
"पद 57 से 70 तक/पृष्ठ 11" के अवतरणों में अंतर
Kavita Kosh से
(नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…) |
|||
| पंक्ति 31: | पंक्ति 31: | ||
तुलसी सराहैं भाग कौसिक जनकजूके, | तुलसी सराहैं भाग कौसिक जनकजूके, | ||
बिधिके सुढर होत सुढर सुदायके || | बिधिके सुढर होत सुढर सुदायके || | ||
| + | </poem> | ||
17:03, 28 मई 2011 के समय का अवतरण
67
चार्यो भले बेटा देव दसरथ रायके |
जैसे राम-लषन, भरत-रिपुहन तैसे,
सील-सोभा-सागर, प्रभाकर प्रभायके ||
ताड़का सँहारि मख राखे, नीके पाले ब्रत,
कोटि-कोटि भट किये एक एक घायके |
एक बान बेगही उड़ाने जातुधान-जात,
सूखि गये गात हैं, पतौआ भये बायके ||
सिलाछोर छुवत अहल्या भई दिब्यदेह,
गुन पेखे पारसके पङ्करुह पायके |
रामके प्रसाद गुर गौतम खसम भये,
रावरेहु सतानन्द पूत भये मायके ||
प्रेम-परिहास-पोख बचन परसपर
कहत सुनत सुख सब ही सुभायके |
तुलसी सराहैं भाग कौसिक जनकजूके,
बिधिके सुढर होत सुढर सुदायके ||
