"भेटूँ म कुनै दिन त्यसरी / सानु शर्मा" के अवतरणों में अंतर

कुनै दिन यसरी भेटूँ म तिमीलाई
न बिदा हुने हतार होस्
न कसैले बिथोल्ला भन्ने अत्यार होस्
कुरा सकियोस् र
मनको अन्तरकुन्तर रित्तियोस्
भन्न छुटेको सम्झेर
न मन पछुताओस्
न कुनै बाडुली आओस् ।

नथाकूँ म बोलेर
नअघाऊँ तिमीलाई सुनेर
समयको कुनै सीमा नहोस्
र एकै ठाउँ बाँधिइरहौँ
तिमी, समय र म ।

बाधूँ अँगालोमा र निदाऊँ निर्धक्क
न बिउँझने हतार होस्
न केही बित्ने चटारो होस्
तिम्रो अँगालामा पग्लिऊँ र
मिसियूँ तिमीमा यसरी
जसरी आत्मा मिसिन्छ परमात्मामा ।

केवल यस्तो अतृप्त सपना नदेखूँ
तृप्त गरिदिने विपना होस् ।

त्यसरी भेटूँ म कुनै दिन
तिमीलाई ।
०००

इस कविता का हिंदी अनुवाद पढ्ने के लिए यहाँ क्लिक करें