भारत की संस्कृति के लिए... भाषा की उन्नति के लिए... साहित्य के प्रसार के लिए
"ओळ्यूं / शिवराज भारतीय" के अवतरणों में अंतर
Kavita Kosh से
आशिष पुरोहित (चर्चा | योगदान) (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=उजास रा सुपना / शिवराज भा…) |
Sharda suman (चर्चा | योगदान) |
||
| पंक्ति 4: | पंक्ति 4: | ||
|संग्रह=उजास रा सुपना / शिवराज भारतीय | |संग्रह=उजास रा सुपना / शिवराज भारतीय | ||
}} | }} | ||
| − | + | {{KKCatRajasthaniRachna}} | |
{{KKCatKavita}} | {{KKCatKavita}} | ||
| − | < | + | <poem> |
| − | + | ||
म्हानैं ठा नीं | म्हानैं ठा नीं | ||
कठै गया थे | कठै गया थे | ||
| पंक्ति 51: | पंक्ति 50: | ||
इण जलम में | इण जलम में | ||
म्हानैं भळैं नीं मिलै। | म्हानैं भळैं नीं मिलै। | ||
| − | + | </poem> | |
| − | </ | + | |
21:26, 18 अक्टूबर 2013 के समय का अवतरण
म्हानैं ठा नीं
कठै गया थे
जावण वाळां री सींव नै
कुण जाण सकै
पण हां
आपरै होवण रो एसास
ओळखीजै
म्हारी चाल-ढाल
म्हारी बोल-चाल
म्हारी बुणगट
म्हारै लोक ब्यौवार
अर म्हारै संस्कारां में।
म्हानैं ठा नीं
नानीसा आपरो नांव
कमला ई क्यूं राख्यो
पण हां
आप में
सुरसत रो अंस होवण रो एसास
ओळखावै
आपरा मीठा मधरा भजन
भागफाटी री
इमरत घोळती रागां
अर रात री मीठी लोरयां में।
म्हानैं ठा नीं
कै म्हानैं
आप रै होवतां थकां
सुख घणो हो
का आपरै
रामसरण होयां पाछै
दुःख
पण हां
सांझ रा
इस्कूल सूं आय‘र
घर में
हेज पावस्यै बछड़ियै दांई
मां....मां... कर
भाज‘र
आपरी सुरग सरीखी झोळी में
बैठण रो सुख
इण जलम में
म्हानैं भळैं नीं मिलै।
