"देवी गीत 5 / रामरक्षा मिश्र विमल" के अवतरणों में अंतर

मइया धीरे धीरे आवेली अङनवा हो ना.
 
गमकेले सगरी डगरिया कि रतिया अँजोरिया हो ना
कि मइया थाहि थाहि धरेली चरनवा हो ना.
 
बघवा जे चले तरनाई आ ताके गुरनाई हो ना
कि भरि भरि आवेला डेराइ के नयनवा हो ना.
 
मइया जे हँसेली ठठाके कि कोरा में उठाके हो ना
कि अपना अँचरा से पोंछेली नयनवा हो ना.
 
विमल चरनिया के दास ओही के बाटे आस हो ना
कि मइया राखि लऽ ना अपने सरनवा हो ना.