"पपीहा बोलि जारे / पढ़ीस" के अवतरणों में अंतर

पपीहा बोलि जा रे!
पपीहा डोलि जा रे!

बादर ब‍इरी रूप बनावयिं
मारयिं बूँदन बानु।
तिहिं पर तुइ पिउ-पिउ ग्वहराव‍इ
हाँकन हूकु न, मानु।

पपीहा बोलि जा रे!
पपीहा डोलि जा रे!

हाली डोलि जा रे
तपि-तपि रहिउँ तपंता साथी
लूकन लूक न लागि।
जागि रहे उयि कहूँ कँधैया
दागि बिरह की आगि।

पपीहा बोलि जा रे!
पपीहा डोलि जा रे!

छिनु-छिनु पर छवि हायि न भूलयि
हूलयि हिया हमार।
साजन आवयिं तब तुइ आये
आजु बोलु उयि पार।

पपीहा बोलि जा रे!
पपीहा डोलि जा रे!

शब्दार्थ :
ब‍इरी = बैरी, दुश्मन, शत्रु।