"बो अर भीड़ / रामस्वरूप किसान" के अवतरणों में अंतर
आशिष पुरोहित (चर्चा | योगदान) (नया पृष्ठ: {{KKGlobal}} {{KKRachna |रचनाकार=रामस्वरूप किसान |संग्रह=आ बैठ बात करां / रामस्व…) |
Sharda suman (चर्चा | योगदान) |
||
| पंक्ति 4: | पंक्ति 4: | ||
|संग्रह=आ बैठ बात करां / रामस्वरूप किसान | |संग्रह=आ बैठ बात करां / रामस्वरूप किसान | ||
}} | }} | ||
| − | + | {{KKCatRajasthaniRachna}} | |
{{KKCatKavita}} | {{KKCatKavita}} | ||
<Poem> | <Poem> | ||
| − | |||
बो - | बो - | ||
हैलीकॉप्टर कै | हैलीकॉप्टर कै | ||
| पंक्ति 68: | पंक्ति 67: | ||
सोवण देवैनीं | सोवण देवैनीं | ||
दिनगै काम पर जावणौ है। | दिनगै काम पर जावणौ है। | ||
| − | |||
</Poem> | </Poem> | ||
12:59, 17 अक्टूबर 2013 के समय का अवतरण
बो -
हैलीकॉप्टर कै
कार-कूर स्यूं
घरां पूग‘र
आपरी लुगाई नै
गळगळौ होय‘र बतावै -
ओ हो ! भौत भीड़ ही
आज तो रैली में
पण सुवाद आयग्यौ
भौत फूटरौ जम्यौ हो म्हैं
चाळा काट दिया भाषण मांय
इस्यौ सिलसिलौ बण्यौ
कै टूटण में ई नीं आयौ
पूरौ एक घंटा बोल्यौ
जकै में बीसीयां बर ताळ बाजी
धर्मियां बात है
भौत याद आई थूं
थारौ नीं आवणौं
सालतौ रैयौ म्हनैं
ओ गिरगराट चालतौ रैयौ बराबर-
कै थूं होंवती
तो म्हनैं
इण भांत बोलतै नै देखती
इन्नै आ - तेरी गाल ...........
पण पै‘लां बा बिस्की आळी बोतल ल्या
ओहो !
आज तो ठाठ ई आयग्या
पण एकर इन्नै बळ
एक बात बतावूं -
पारटी हाईकमान
मुळक‘र आंख मारी
म्हारै कानी
आपणां तो
पौ बारा पच्चीस
चुनाव जीत्या
अर मुख्यमंत्री बण्या
xxxxxxxxxxxxx
भीड़
खुरड़ा घींसती-घींसती
घरां पूगै,
लुगाइयां उबासी मार‘र बूझै-
कुण आयौ ओ ?
बो आयो धी रौ ........
कांई कैयो पछै ?
कैवण नै पड्यो हो मूसळ
घंटा तांई झूठ बोल्यौ
तो थे क्यामी गया ?
पड्यै-पड्यै रा हाड कुळै हा
अबकाळै बोट किण नै देस्यां ओ ?
बाळ देस्यां कीं रौ ई माथौ
सोवण देवैनीं
दिनगै काम पर जावणौ है।
