"सपनाको कुरा / उपेन्द्र सुब्बा" के अवतरणों में अंतर

हिजो राती सपनामा
तागेरानिवाफुङ्माङ आएर
यसो भनिन्-
ल कान्छा
जे छोइस् तेरो भो।
तब मैले
माटो छोएँ,
ढुङ्गा छोएँ,
हावा छोएँ,
पानी छोएँ,
खोला छोएँ,
आगो छोएँ.......
सप्पैसप्पै मेरो भयो।
र स्वयम् लाई छुन खोज्दा बिम्झिएँ
बाँकी रात निन्द्रा लागेन
छुकछुक् लागिरह्यो .....
तिमीलाई छुनु थियो, कसो छोइनँ।
(नोट:- तागेरानिवाफुङ्माङ- लिम्बु जातीमा स्वयम्भू, सर्वव्यापी, निराकार र निर्गन भन्ने बुझिन्छ।)