"કર્ણ / નટવર ગાંધી" के अवतरणों में अंतर

(વસંતતિલકા)

“રક્ષા કરે ગગન મંડળ જે વિરાજે
ભાનુ, વરુણ સલિલે,” કહી મંજૂષામાં
કુંતી મૂકે દયિત કાનીન, સિંધુગોદે
વ્હેતો શિશુ કમળશો ભીરુ ભગ્ન ઉરે.
તારી કહાણી વસુશેણ નથી અજાણી:
શોભે તને કવચ કુંડળ રક્ષતાં જે
તું આપતો સહી ઉતારી ઉદાર દાને!

પેટી પુરાઈ મથવું, મચવું પ્રયાસે,
જાતાં તણાવું વમળે, તરવું તરંગે,
હંફાવી દૈવ જીતવું જીરવી વિધાતા,
આ વાત છે તુજ જરૂર, પરંતુ સૌની
છે એ જ વક્ર નિયતિ, સરખા જ કર્ણ,
સૌ આપણે, કુલીન કે હીન સૂત વર્ણ!