"पूछोॅ कैन्हें हाथ छै कर्रोॅ / अमरेन्द्र" के अवतरणों में अंतर

पूछोॅ कैन्हें हाथ छै कर्रोॅ
फोॅन थोकचबै सब अजगर रोॅ
जे जे नाम बतैलोॅ गेलै
पता कहाँ छै केकरो घर रोॅ
वहीं दरद जानै छै सही सें
जेकरोॅ काँखी में छै बर्रोॅ
हमरोॅ आँख में नीन नै राती
हूनी फोड़ै दिन्हौं ठर्रोॅ
चोर, पुलिस सब एक्के रं छै
बात जरो टा नै छै डर रोॅ
पॉप सांग में मजा की आबै
गजल लगै छै हुनका झर्रोॅ
कवियो होय के लुथरी लारोॅ
नाम धिनाबोॅ अमरेन्दर रोॅ

-25.7.91