"सरकारे देलकै जोगबारी ठामे ठाम / अमरेन्द्र" के अवतरणों में अंतर

सरकारे देलकै जोगबारी ठामे ठाम
तहियो चोरी आरो जुआरी ठामे ठाम
उड़ोॅ कबूतर जाल केॅ लेने एक्के साथ
सेथरोॅ नुकलोॅ दिखौं शिकारी ठामे ठाम
घरबैया केॅ गोड़ बढ़ैबोॅ मुश्किल छै
बसलै सबटा जाय बहारो ठामे ठाम
मछुवारा छै ताक लगैने बोचोॅ पर
उपटै छै घनघोर बुआरी ठामे ठाम
माथा पर लाखो रोॅ करजा लेने सब
मिललोॅ हमरा यहाँ हजारी ठामे ठाम
फुलधरिया-परवैतिन एक्को पैलो नै
भोगोॅ के हकदार पुजारी ठामे ठाम
जैभौ केना रपट लिखाबेॅ थाना तक
अपराधी छै पैर पसारी ठामे ठाम
अमरेन्दर रं शायर केॅ झोपड़ियो नै
की करमोॅ के महल-अटारी ठामे ठाम

-25.3.92