"रुठलोॅ रुठलोॅ सब्भे जल छै / अमरेन्द्र" के अवतरणों में अंतर

रुठलोॅ रुठलोॅ सब्भे जल छै
उम्मीदोॅ में तहियो नल छै
नींद अगर जों आबी जाय तेॅ
टाट केरोॅ टुकड़ो मखमल छै
नै आय तेॅ कल केॅ ही भीजतै
ई तेॅ औरत रोॅ आँचल छै
छाती ठोकी कोय कहौ तेॅ
हमरोॅ जीवन गंगाजल छै
गौर करोॅ तेॅ हर मानुख ही
थोड़े-थोड़ोॅ पर घायल छै
केना नाँचै मन रोॅ हिरना
सुख रोॅ राधे जों ओझल छै
निर्वासित रं ‘आज’ छै हमरोॅ
‘अग्नि परीक्षा’ जहनोॅ ‘कल’ छै