"साफली / कुंदन अमिताभ" के अवतरणों में अंतर

साफली
तनी बूढ़ी मामां खाय छथीन
तनी टोला के लोगें
जे तनी-मनी
घेरा के भीती सें बाहर
होलऽ डार में
लुझलऽ छै
ओकरा रास्ता पैरा चलतें
मुसाफिरौं लबाय-लबाय
तोड़ी-तोड़ी खाय छै।
साफली
तनी बूढ़ी मामां खाय छथीन
तनी लुखियौं
तनी सुगभौं
जों जादे, घुल्ली जाय छै
गाछी में लागलऽ-लागलऽ
तेॅ खोटौं पिपरिहौं खाय छै।
साफली
जे खाय छै सभ्भैं
ओकरऽ गाछी केॅ
पटाबै छै
खाली बूढ़ी मामां।