"प्रतीक्षा / ऋतु रूप / चन्द्रप्रकाश जगप्रिय" के अवतरणों में अंतर

आश्विन के आस मेॅ बैठलोॅ
काँच के पतलो सेॅ ज्यादा चिकनोॅ
ज्यादा सुन्दर
ज्यादा चमकदार
आश्विन के ऐथैं आवी गेलै
हाथोॅ सेॅ अपनोॅ रेशमी चादर
आकाश तक उड़ैतेॅ
कोॅन-कोॅन फूलोॅ के इत्तर सेॅ
गमकै छै सौसे ठो देह
कोॅन-कोॅन पक्षी के बोली मेॅ
बोलै छै प्रेमोॅ के बात
भरी दिन, भरी रात।

केकरोॅ लेॅ हेनोॅ
ई ऐत्तेॅ रूप सजैलेॅ छै
नीपी-पोती राखलेॅ छै
घर-ऐंगन
पोखर सेॅ नद्दी तांय
बारी मेॅ बोलै टिटहरी छै
कातिके में ऐतै अतैया
तब तांय हेने ही सजली
बनी-ठनी घूमतै ही रहतै शरत
मन मेॅ हुलास भरी
आस भरी।