"साग तोड़ैल’ / परमानंद ‘प्रेमी’" के अवतरणों में अंतर

चलें गे बहिनों साग तोड़ैल’ बेहरबा।

झुकी-झुकी खेतबां में साग टूसी तड़बै।
मुठी-मुठी भरी-भरी खोंयछऽ पुरँवै॥
खोंयछऽ पुराय बहिन ऐबऽ आपनों घरबा।
चलें गे बहिनों साग तोड़ैल’ बैहरबा॥

महीन-महीन हँसुवा सें सागऽ क’ कतरबऽ।
नोंन रसून तेल दैदलसग्गा बनैबऽ।
साग-भात आगु दै मनैबऽ रूसलऽ पियबा।
चलें गे बहिनों साग तोड़ैल’ बैहरबा॥

सगबा तोड़ला सें गछबा चतरैतै।
हरा-भरा खेत देखी किसान मुसकैतै॥
भरी गाछ फूल देखी ‘प्रेमी’ गाबै गीतबा।
चलें गे बहिनों साग तोड़ैल’ बैहरबा॥