"जागऽ जागऽ किसान / परमानंद ‘प्रेमी’" के अवतरणों में अंतर
Lalit Kumar (चर्चा | योगदान) ('{{KKGlobal}} {{KKRachna |रचनाकार=परमानंद ‘प्रेमी’ |अनुवादक= |संग्र...' के साथ नया पृष्ठ बनाया) |
(कोई अंतर नहीं)
|
22:51, 1 जून 2016 के समय का अवतरण
देशऽ के जवान जागऽ जागऽ हो किसान अब’ होलै बिहान।
पुरुब दिसां लाल हिंगोर लाल भेलै आसमान॥
अमुवां के डारी-डारी कुहकै कोयलिया।
आगु-आगु गैया चलै पीछू सें धोरैया॥
उगथैं भुरुकबा चिड़ियाँ कर’ लागै गान जागऽ जागऽ किसान।
पुरुब दिसां लाल हिंगोर लाल भेलै आसमान॥
कमल फूल फूली गेलै होथैं भिनसरबा।
गुन-गुन-गुन कर’ लागलै मदमांछी भभरा॥
छौड़बा खेलैल’ चललै बुढ़बा खलिहान जागऽ जागऽ किसान।
पुरुब दिसां लाल हिंगोर लाल भेलै आसमान॥
हरबा, बैलबा आरो लैक’ कोदरिया।
होथैं भोर छोड़ि चलऽ सेज या॥
जलखै के बेरां गोरी आनिहऽ जलपान जागऽ जागऽ किसान।
पुरुब दिसां लाल हिंगोर लाल भेलै आसमान॥
हिली-मिली खेतबा सें सोना उपजाबऽ।
दुश्मन क’ देखी क’ बिगुल बजाबऽ॥
पूजऽ मांटी देशऽ के छेखौं भगवान जागऽ जागऽ किसान।
पुरुब दिसां लाल हिंगोर लाल भेलै आसमान॥