"पापा हमरोॅ बात सुनोॅ / मधुसूदन साहा" के अवतरणों में अंतर

पापा हमरोॅ बात सुनोॅ
घर केरोॅ हालात सुनोॅ!

दीदी बड़ा सतावै छै
आपनोॅ धौंस जमावै छै
मम्मी हमरा छोड़ी केॅ
ओकरे प्यार जतावै छै
तोहीं हमरा लेली आय
बढ़ियाँ रं सौगात चुनोॅ!

मम्मी हमरा डाँटै छै
अपन्है में सब बाँटै छै
बढ़ियाँ-बढ़ियाँ पहिनें
स---------
दिदिया खातिर छाँटै छै
‘पार्टी फिलिंग’ देखी केॅ
लगलोॅ छै आघात सुनोॅ!

तोहों तेॅ सहकैलोॅ छौ
मम्मी केॅ बहैलोॅ छौ
आगू में जे आनी देलकौं
आँख मुनी केॅ खैलोॅ छौ
आरी मम्मी के तोहें
फरमाईश दिन-रात सुनोॅ।