"कंहिंजी सुरहाणि चखींदो आहियां! / अर्जुन हासिद" के अवतरणों में अंतर

कंहिंजी सुरहाणि चखींदो आहियां!
कंहिंखे अखिड़ियुनि सां सॾींदो आहियां!

रोशनी मुरिक जी मां पी वेंदुसि,
सूंहं ते साहु छॾीन्दो आहियां!

थो हुजे वाउ सणाओ, त झुके,
अंब जियां ॿूर झलींदो आहियां!

बाजे़ बाजे़ त बणी सन्नाटो,
कंहिंजो आवाज़ झटींदो आहियां!

मर्म जे दर जो कड़ो बंद करे,
अहम जो शहर अॾींदो आहियां!

रोज़ विश्वास नएं सां हासिद,
सुबह जी राह तकींदो आहियां!