"सतजुॻ खां कलिजुॻ ताईं / गोवर्धन भारती" के अवतरणों में अंतर

बुधो आ मूं त सतजुॻ में
असांजो धर्मु बीठलु हो
हमेशा चइनि चरननि ते!
कुल्हनि ते धर्म जे
वेठलु हो राजा
जंहिं जा कन हा
साफ़ ऐं सरला!
मथे ते बादशाह जे
ताज जां इंसाफु़ सूंहन्दो हो
अखियूं जंहिं जूं हुयूं ऊजल अक़ाबी!
चवनि था: इन खां पोइ
त्रेता, द्वापर में
अवल इनसाफु़ अन्धो थियो
बुधण जी शक्ती राजाउनि विञाई
भञाए पेर पंहिंजा धर्मु थियो लंगड़ो!
तॾहिं भी पेर राजा जा
त कन इनसाफ़ जा
ऐं धर्म जूं ऊजल अखियूं
सहकार सां
सुहिणे नमूने
वाॻ प्रजा जी संभालींदियूं रहियूं!

मगर अजुकाल्ह कलजुॻ में
धर्म खे पेर कोन्हनि-
पेटु आहे,
सियासत आ बिन्ह ॿोड़ी
मगर चीख़ण जे लइ उन वटि
किराये जो
ॻरो सहुरो गलो आहे
अखियूं इनसाफ़ खे नाहिनि
मगर फ़ीअ जे वसूलीअ लाइ
हुन जा हथ
वॾा आहिनि!
सियासत, धर्म ऐं इनसाफ़ जे
मतभेद झॻिडे़
दुश्मनीअ सबबां
रवाजी आदमीअ जी ज़िंदगी
बणिजी पई आहे-
बिनह अंधी
बिनह ॿोड़ी
बिनह लंगड़ी!

(तनहाई ऐं कौड़ो धूंओ-1978)