"टाक ॿिपहिरी / अर्जुन चावला" के अवतरणों में अंतर

टाक ॿिपहिरी
सिजु कापार ते
पाछाओं पेरनि में पहुतो
कांवनि जी अखि निकिरे थी-
वण खामनि था
लूसणि लिङ छॾिया लूसाटे-
आहुड़ जो आकासु उमालक
धरतीअ खे भाकुर में भीड़े
चुमी चटे ऐं प्यारु करे थो,
भाकुरु पाए भोगु करे थो!
धरती आतिश ओॻाटे थी,
थकिजी थी आ, साणी साणी,
प्यासी ॻोल्हे पाणी पाणी-
पर
वण झूलनि था
मस्तीअ मंझि लुॾनि थियूं लामूं,
लातियूं ॾियण लॻियूं लामारा,
ॻेरनि शुरू कया ॻटकारा-
धीरे धीरे
पाछाओं पिणि
पेर छॾे,
वण जे चोटीअ ते
वासु करण लइ

वञण लॻे थो-
चेहरे ते ॻाढ़ाणि
मगर तन ते पीलो पहिराणु
वकोड़े
वासींगी वारनि खे छोड़े,
संझा हेठि लहे थी
कंहिं संन्यासिणि वांगुरु-
ॻेरापटी पाए
पृथ्वीअ जी ॿांहं झले थी,
बुचकारे थी, घोर वञे थी-
धुप सड़ियल धरतीअ जी
सारी धूड़ि तॾहिं, धन्य थिए थी
छोति लहे थी वण-वण जी
काया कल्प थिए थी
कोसे कण कण जी!
धरती, ॼणु को खामियलु खूरो-
ठरी पवे थी-
साणी साणी, ठरी थिए थी पाणी पाणी-
आहुड़ जी हीअ टाक ॿिपहरी
होॾ छॾे हीणी थी आखि़र
आणि मञे थी,
संन्यासिणि जा चरण चुमे थी,
ऐं पेरनि जी पणी,
उमालक खणी
रखे थी पेशानीअ ते।