"हा मां हासिद आहियां / चतरू नागपाल" के अवतरणों में अंतर

मूंखे हसदु थीन्दो आहि,
आदमखोर झंगिली जानवर सां।
शींहं सां, चीते सां
वाघ ऐं बघड़ सां,
जिनि जी सरकार
पूरी परघोर थी लहे,
जीअं उन्हनि जी
का जाती
ख़तम न थी वञे
माण्हूअ जी भलि ख़तम थिए।
ख़ूंख्वार जानवरनि जे बचाव लाइ,
झंगल में बि पहरो आहि;
माण्हू लाइ का सलामती नाहि।
जानवरनि जे बाग़ में जे ॼमे थो को,
शींहं या चीते जो ॿारु,
त इहा ख़ुशख़बरी अचे थी अख़बारुनि में
उन्हनि जे फोटनि सां
उन्हनि ते रखिया था वञनि लाॾिला नाला
हीरा, मोती, चांद सूरज ऐं तारा।
जे कंहिं मादा जानवर खे
नथो थिए गर्भु,
त आफ़ीसरनि खे चिन्ता।
आदमअ लाइ निरोध,
आदमख़ोर खू़ब खाए ख़ुश रहे
ऐं घणा ॿार ॼणे
जे को मरी थे वञे जू़ में,
त उन लाइ
जाच कमेटी थी विहे।
उहो-बे-वक़्ताइतो छो मरी वियो।
छा
खेसि खाधो बराबर न मिलियो
या संदसि इलाज में थी का कमी।
माण्हू
जानवरनि जियां पियो मरे
होॾांहु
माणहूअ खे आहि
जानवर जी चिन्ता,
छो त
उहो पर्यावरण जो हिस्सो आहि।
हू हरण, ॿकिरियूं ऐं मेंहिंयूं खाई
उन्हनि जे तादाद खे
मीज़ान में थो रखे।