"रुञ में ॿेडऋी / कृशिन राही" के अवतरणों में अंतर

रुञ रुॻो रेगिस्तान में न थीन्दी आहे,
शहर में बि रुञ धीन्दी आहे।
जिनि रेगिस्ताननि जी रुञ ॾिठी आहे,
तिनि खे ख़बर आहे
त रेगिस्तान में,
उञ खां मांदो
सुञ में भिटकन्दडु इनसानु,
जॾहिं साणो थी किरन्दो आहे,
तॾहिं रुञ पसन्दो आहे।
जिनि शहर जी रुञ न ॾिठी आहे,
तिनि खे ख़बर नाहे
त शहर में
बंगुले माड़ीअ खां झूपिड़ीअ ताईं,
वसउं में रहन्दड़ इनसानु
रुञ खणी निकिरन्दो आहे,
ऐं उञ खणी मोटन्दो आहे!
रेगिस्तान जी रुञ
रेगिस्तान खां रेगिस्तान ताईं आहे।
शहर जी रुञ त
ज़मीन खां आसमान ताईं आहे!
पैसो, ओहदो, धंधो वापारु!
नौकर चाकर, बंगुलो कार!
ऐश आरामु, औरतूं, यार!

शहर जी रुञ
शहर जो सुपनो आहे
रेगिस्तान जी रुञ जियां
पाणीअ जो भरमु नाहे
वारीअ जो पंधु नाहे
शहर जी रुञ त
वहन्दडु दरयाहु आहे,
जंहिं में
ॿेड़ी तारे सघिबी आहे।