"किथे बि कुझु बि / अनन्द खेमाणी" के अवतरणों में अंतर

सही न आहे
माहोल में उहा
लिज़ी लिज़ी आलूदगी न आहे
जा जियापो ॾीन्दी हुई।
साल थी विया
ख़ुश रहण लाइ
कोई दिलफ़रेब नालो न मिलियो आहे
जन्नत ॾियारण लाइ
कंहिं सनत जो वादो
नसीब न थियो आहे
चोर बाज़ारीअ लाइ
कंहिं वॾे दलाल जी
मदद न मिली आहे

दफ़तरनि में
ॿारनि खे ऊच तालीम
ॾियारण लाइ
रिश्वत जा रेट
तमाम घणा वधी विया आहिनि।

अगु सिर्फ़ उसूल परस्त ऐं
शरीफ़नि खे जीअण जो को हकु़ न हो
पर हाणे हिक आम ऐं नंढे
भ्रष्ट माणहूअ लाइ बि
जीअणु डुखियो थी पियो आहे।

क़ानून ऐं जोड़जक
बसि, वॾनि बेईमाननि लाइ
कारगर आहिनि
मूं जहिड़ो नंढो बदमाशु
त पियो हवा खाए!