"ॿ युग ॿ पुतला / जयन्त रेलवाणी" के अवतरणों में अंतर

गांधीअ जे आश्रम
ऐं बुद्ध जे मठ में
गांधी ऐं बुद्ध
बीठा आहिनि, अकेला अकेला
कंहिं ज़िंदा शख़्स खे ॼणु
सज़ा फर्मायल आहे
स्थिर खड़े रहण जी।
सालनि खां, सदियुनि खां,
सज़ा पातल, अहिंसा जा ॿ पुतला
हिक टिक चिताए चिताए
ॾिसी रहिया आहिनि, सामुहूं
बुख जूं चीखूं,
भ्रष्टाचार जा भूत, वचननि जी विंदुर
ऐं मशीन गनुनि जे उलनि खे!
वेचारा, ॿ अचेतन पुतला,
न रोई था सघनि, ऐं न खिली
गांधीअ जे गुजरात
ऐं बुद्ध जे बिहार में
ॼणु ॿिनि प्राणियुनि युगनि खे
ॾिनल आहे,
सजा-
यक टिक, लाचार
हिक ॿिए ॾे चिताए निहारण जी!!

असीं आहियूं जो
अमल खां महरूम, महज़
नसीहतूं ओॻारीन्दा था रहूं!