"चिणिंगूं रख मां / रतन आॾिताणी" के अवतरणों में अंतर

जिनि जा अठसठा ऐं अरमान
फ़ैसला ऐं फ़िकिर
ख़ाक में मिली विया
हू उन्हनि मां हुवा, पर हू उन्हनि मां कोन हो
जेके रोॼ ऐं राड़े में
शिकायतुनि जे वाड़े में
वञी वेठा घरु करे।
कारवां कएं गुज़िरी विया
हुननि जे पासे खां
धुधुड़ि उॾाईन्दा
कोई ख़ास तरिसियो बि कोन
हुन वटि, पर, सन्दनि निगाहुनि मां
अज़ख़ुद टपिकी थे पियो

हिकु सुवालु
अजब गाॾडु
त विचित्रताउनि में वेढ़ियलु
हीउ कहिड़ो शख़्सु आहे
जेा अञा उति-बावजूद उभो आहे!
हुननि खे त इएं ई लॻो हो त हू
ज़मीं दोज़ थी वियो हून्दो- कॾो को
दज़ ऐं तूफ़ान में!
हाणे त चाहीन्दे बि- दुआ सलाम लाइ
सन्दनि हथु मथे थी थो वञे
दस्तूरी मुश्क डुकी थी अचे
ऐं सिरु झुकी थो वञे,
हुन बे नियाज़ शख़्स अॻियां!
रही रही रख मां जीअं कुझु चिणिंगूं निकिरनि
बस, कुझु अहिड़ो ई मंज़रु मिले थो
हर रह गुज़र खे,
जो पसार थिए थो हुन वटां।