"अन जो दॿो / सीरू स्याह" के अवतरणों में अंतर

आफ़ीस जे वॾनि कमरनि
शाही हाल में
फ़क़त
फ़ाईलनि ऐं पननि जी
चुरपुर आहे
हर मुलाज़िम जे चपनि ते
वेठी आहे ख़ामोशी
पहरेदारु बणिजी!

लॻातार घणे कम हून्दे
सभिनी जा चेहरा कोमायल
अखियूं साणियूं आहिनि
मगर दीवारूं
जीअं तो तीअं आहिनि।

हिकु नओं ख़ूबसूरत
मुरिकन्दहु चेहरो
आफ़ीस में दाखि़ल थिये थो
एंे
पंहिंजो अपाइंटमेन्ट आर्डरु
ॾिए थो हेड क्लार्क खे।

कोमायल चेहरा
साणियूं अखियूं
सभु घूरे रहिया आहिनि
हुन खे
जो, हर मुलाज़िम जे चपनि ते
वेठी आहे ख़मोशी
पहरेदारु बणिजी!

अचानक
खमोशीअ हिकु लम्बो साहु खणी
कुझु भुणिकियो आहे
‘अजु वरी
हिकु नओं अन जो दॿो
आयो आहे
चकीअ में पिसिजण लाइ!’