"पधरनामो / गोरधन तनवाणी" के अवतरणों में अंतर

ज़ाहिर पधरनामो आहे
आम माण्हुनि लाइ
(ही पुलीस जो सम्मन न आ,
न ई को वारन्ट आ)
हथकड़ियूं कंहिं खे बि न लॻायूं वेंदियूं
त ग़रीबनि लाइ खोलिया वेन्दा
बीअर बार
त पांच सितारा होटलुनि में
उषाड़ी कैबरे ॾेखारी वेन्दी
त हर होटल में हलंदियूं

वीडियो ते ब्लू फ़िल्मूं!
त नन्ढ-वॾाईअ जो
को भेदु भावु न कयो वेन्दो
त सभिनी खे ॾिना वेन्दा
साॻिया हक़ हकू़क़
त पोलीस ते केस बि करे सघिबा
त बलातकार या ज़ोर ज़बरदस्तीअ खे
कयो वेन्दो जाइज़
कूड़ ॻाल्हाइण जी हर कंहिं खे
हून्दी छूटि
त अमीरनि खे ॾिनी वेन्दी
नो एन्ट्री
त हवाई जहाज़नि में खोलियो वेन्दो
सेकन्ड क्लास
त भाड़ा घटाया वेन्दा
त देश जूं समूरियूं गाॾियूं
हलायूं वेंदियूं इलेक्ट्रानिक सिसटिम ते
त मेल, एक्सप्रेस बीहंदियूं
हर नन्ढे इसटेशन ते
त ग़रीबनि खे ख़ास अॻिराई ॾिनी वेन्दी
रिज़रवेशन में
त देश तो तरानो हून्दो को
डिस्को म्यूज़िक ते

त देश जो झंडो ठाहियो वेन्दो
कंहिं निओन लाईट में
हर आम पधरनामो आ
ख़ास ख़ास ग़रीबनि लाइ
न आ कंहिं पोलीस जो वारन्टु
न कंहिं पारटीअ जो मैनीफ़ेस्टो।