"ख़ूनु / वासदेव मोही" के अवतरणों में अंतर

हीउ आम ख़ूनु कोन्हे
आम ख़ूनु आसान आहे
हुन में
पहिरीं
हर माउ जी
ॼिभ कटिणी पवन्दी
जड़ खां
हिकु बि लफ़्जु
सिरिकणु न खपे
कंहिं बि ॿार जे कन ते
को परलाउ न पवणु खपे
पोइ
हर पीउ अगियां
ॿी अहम ॿोलीअ जा ख़ज़ाना खोले छॾि
वॾनि ओहदनि जी फ़ेहरिस्त बणाए
उन ॿोलीअ सां जोड़े छॾि
तमाम तकड़ो, रखूख़ु हलाए
आकाशवाणीअ तां
ऐं टी. वी. ते ईन्दड़ ॿोलीअ जा प्रोग्राम

बन्द कराए छॾि।
स्कूलनि जो ख़ास ध्यानु रखु
ॿोलीअ जो हिकु बि स्कूलु
हलणु न खपे
विषय तौर बि...
ॿोलीअ खे नाकारो ज़ाहिर करि
ऐं
किताबनि जो छपिजणु
ग़ैर क़ानूनी।
अगूणा छपियल किताब
उॾोहीअ जे भरोसे न छॾि
हिक तीली
वधीक ताक़तवर आहे।
गायक वगैरा
वधीक जुनूनी हून्दा आहिनि
ॾिसिजि, उहे ख़ुश रहनि
ॿियुनि ॿोलियुनि खे ॻाईन्दा रहनि
ऐं ॻाईन्दा रहनि।
तंहिं खां पोइ,
तोखे लॻन्दो त
ॿोलीअ जो हर फ़र्दु
उन उठ वांगुरु आहे, जो
रिण पट में
तमाम वॾे रिण पट में
अकेलो आहे
रस्तो भुलिजी वियो आहे
ऐं हुन जे ॻिचीअ जी
घिंडिणी बि गुम आहे।